LOVE POEM #17. Text Message

Text Message

I see text Begin dey cry for office

Everyone console

Dey fear to ask wetin dey

I pull tie

Nak head for laptop

Scatter all mai byah byah

Throway all di files

Manager come console

Director sef come

Dem dey take eye ask each other

Wetin do dis man sef

Na im I show dem text

‘Darling, have missed my period’

All of dem start to cry too

As na fourteen pickin I get!

Dr Wilson Orhiunu

June 2007