LOVE POEM #15. Na who

Na who?Na who dey come so?

Balance for back of limousine

Denge laik a million dollars

Look! My Omote

Im bridesmaids surround am

Dem don comot moto

Hold umbrella for mai Omote

Sun no go beat im bodi

Dis skin wey bi laik

Angels polish am all nait

Coral beads set for her neck

Im Papa try

but I go buy more,

sotey she no fit wear dem.

Na museum she go keep am

My Onome,

im bodi dey upholstered with honey

Na dis one I go marry today

She wear crown dey come

People dey ask

Na who dey come so?

Who dey come,

On dis day wey I go marry

On dis day

Wey mai belle sweet mi pass.

(Inspired by Song of Solomon. Chapter 3 Verses 6 – 11 & Fantasy)

Dr Wilson Orhiunu

June 2007