LOVE POEM #10. Canoe Full of Women

Canoe full of women

A canoe full of women don appear for my harbour

All tie George wrapper for waist,

massive gele and glorious blouses

All dis women for only mi?

‘Hope nothing’ I ask dem

Dem say dem just come greet mi.

‘Migwo’. See as dem all knell for ground

Dem fine no bi smol,

for this Niger Delta

Efe, Onome, Ruki all dey.

Dey smile dey look mai eye

Dem join cook Ukodo for mi

Some begin massage mai bodi

Di whole thing jus dey sweet mi

When dat useless alarm go off!